Meeqqanut tapit

Qupperneq una meeqqanut tapit naatsorsornerannut atorneqarsinnaavoq. Immersugassat kisitsisinik immersoriarlugit "Naatsorsoruk" toqqassavat.
Immikkoortortap nassuiaatitaa takujumagukku ? (apersuut) toqqassavat.

[changeLang]  
   
   
 
X

Meeqqat amerlassusaat

Meeqqat meeqqanut tapinik tunineqarsinnaapput, meeraq

  1. 18-it inorlugit ukioqarpat, pisortanillu toqqaannartumik pilersugaanngippat,
  2. Kalaallit Nunaanni kommunimi angerlarsimaffeqarpat, meeqqallu tapiinik aningaasanik tigusisinnaatitaasoq aalajangersimasumik Kalaallillu Nunaanni najugaqarpat, nunatsinnilu nagugaqarnermut allattorsimaffimmut nalunaarsorneqarsimappat,
  3. imaluunniit meeqqat tapiinik aningaasanik tigusisinnaatitaasoq Qallunaat Nunaanni innuttaasutut piginnaatitaasoq, imaluunniit nunat tamalaat akornanni isumaqatigiissutsit malillugit Kalaallit Nunaanni ikiorsiivigineqarnissamut piginnaatitaasoq, imaluunniit meeraq taamatullu meeqqat tapiinik aningaasanik tigusisinnaatitaasoq ukiumi kingullermi Kalaallit Nunaanni najugaqarsimassasoq,
  4. meeqqanut inuusuttunullu ikiorsiisarneq pillugu peqqussut malillugu angerlarsimaffiup avataanut pisortanit inissinneqarsimassanngitsoq, aammalu
  5. katissimassanngitsoq.

Tapiissutit qaammamimi meeqqap 18-iliiffiani atorunnaassapput.

Tunngaviusumik malittarisassaasut pillugit annertunerusumik aguagaqarusukkuit saqqaani attataasaq ”Inatsit tunngaviusoq” toqqassavat.

X

Isertitat

Aallaaviusumik ilaqutariinni meeqqap najugaqarfigisaani ukioq meeqqanut tapisiaqarfik ukiunik marlunnik sioqqullugu isertitaasut akileraarutigineqartussaatitaasut meeqqanut tapisiaqarnissami tunngavigineqassapput. 2003-mi meeqqanut tapit naatsorsorneqassapput 2001-imi isertitat akileraarutigineqartussaatitaasut tunngavigalugit.

  1. Meeqqap angajoqqaani tamaasa najugaqatigippagit taakku ataatsimut isertitaat akileraarutigineqartussaatitaasut tunngavigalugit meeqqanut tapit tunniunneqassapput.
  2. Meeqqap angajoqqaami aappaa najugaqatigippagu taassuma isertitai akileraarutigineqartussaatitaasut tunngavigalugit meeqqanut tapit tunniunneqassapput. Angajoqqaaq inooqatigisaminik najugaqateqarpat imaluunniit katissimappat aappaasup imaluunniit inooqataasup isertitai ilanngullugit naatsorsuunneqassapput, taanna meeqqamut pilersuisussaatitaanngikkaluarpalluunniit. Taamaattoq angajoqqaap inooqammik inooqateqarnera ukioq meeqqanut tapisiaqarfiusoq sioqqullugu ukioq ataaseq sinnerlugu sivisussuseqarsimassaaq, inooqataasup isertitai meeqqanut tapisiaqarsinnaanermi ilanngullugit naatsorsuunneqassappata. Inooqataasutut paasineqassaaq inuk angajoqqaap aapparalugu inooqataa.
  3. Meeraq namminerisamik ilaqutariinnut inissinneqarsimappat angajoqqaarsiat meeqqamik paarsinissamut akuersissummik atuuttumik akuersissuteqarpata taakku isertitaat tunngavigalugit meeqqanut tapisiassat tunniunneqassapput. "Angajoqqaarsiat" paarsinissamut akuersissummik atuuttumik peqanngippata malittarisassaq pingaarneq malillugu meeqqanut tapisiassat naatsorsorneqassapput, ima paasillugu angajoqqaat isertitaat tunngavigalugit.
  4. Meeraq atuarfiup angerlarsimaffiutaani assigisaaniluunniit najugaqarpat, taava meeqqanut tapisiassat angajoqqaap meeqqap kingullermik nalunaarsorsimaffigisaata isertitai tunngavigalugit naatsorsorneqassapput. Meeraq atuarfiup angerlarsimaffiutaani assigisaaniluunniit ineqalernissaa sioqqullugu namminerisamik ilaqutariinnut inissitaasimappat meeqqap kommunimi angerlarsimaffigisaani isumaginninnermi ataatsimiititaliaq aalajangiisinnaavoq siusinnerusukkut angajoqqaarsiarisimasat isertitaat tunngavigalugit meeqqanut tapisiaqartitsisoqassasoq. Tamanna amerlanertigut pisinnaasarpoq meeqqap angajoqqaavi attaveqarfiginagit siusinnerusukkut angajoqqaarsiarisani suli attavigippagit.
  5. Angajoqqaat najugaqatigiinngippata meerarlu angajoqqaani sivisoqatigiimmik najugaqarfigisarpagit meeqqanut tapisiassat angajoqqaap meeqqamut akilersuutinik tigusartagaqarsimasup isertitai tunngavigalugit tunniunneqassapput. Angajoqqaat arlaannaalluunniit meeqqamut akilersuutinik akiliisanngippata angajoqqaap meeqqap tapisinerani siullermi meeqqap najugaqarnermut allattorsimaffiatigut nalunaarsorsimaffigisaata isertitai tunngavigalugit meeqqanut tapisiassat tunniunneqassapput.

Isertitani akileraaruteqaataasussani malunnaatilimmik ataavartumillu appariaateqarsimappat uppernarsarsinnaappagulu isumaginninnermi ataatsimiititaliap qaqutigoortumik aalajangiussinnaavaa isertitassatut akileraaruteqaataasussatut naatsorsuutigineqartut tunngavigalugit meeqqanut tapisiassaqartitsisoqarsinnaavoq.

Tunngaviusumik malittarisassaasut pillugit annertunerusumik aguagaqarusukkuit saqqaani attataasaq ”Inatsit tunngaviusoq” toqqassavat.


Meeqqat amerlassusaat ?
     
Angajoqqaajusut isertitaat ?
Anaanaasoq
Ataataasoq